هه ... لو الايام بتتكلم

لو الايام بتتكلم
كانت قالت .. عن اللى فـ قلبى انا مخبيه
ودايـــب فيــه
وكل كلامــى ما يكفيه
ومن همساته بأتعلم
اعيــش حــــــــــيران
وأتوه مع موجه مش لاقيا ما بين كل البحور شطآن
يزَّهر حُبه فـ عيونى
وهو عيونه تسقى الدنيا. حنيه..وينسونى
وقلبى تحضنه الاحزان
وبأتهرب ,, وبأتغرب,,
وبأتشرب أسى وحرمان
وأخاف مـ التوهه والنسيان . يطلو عليه...ومن حلمى يصحونى
واعيش عمرى اللى جاى ولهان
وقلبى فـ ناره مستسلم
******
يغيب أيام وبأستناه
ولا بأنساه
وبأحلم فـ الغياب بلقاه
واشوفه وشوقى يندهله .. وبيفوتنى ولا يسلم
******
هيفضل قلبى ملك ايديه
ويفضل هو يقسى عليه
ومش من حقى اسأل ليه
وبأتعذب بقالى زمان وقلى مش هيتعلم
هيجرجنى وهرجعله
وبعد الجرح يندهلى.. بقلبى وروحى هسمعله
******
دا طعم الفرح مش ليا
واخلاصى دا عيب فيا
وقربه أغلى امنيه
لكن عارف.. مكان الدمع فـ عنيه
ولا هيحس يوم بيا
...ولا الايام هتتكلم

ربنا يخليكى يا هدير
ده بس علشان انت أحساسك عالى

والف شكر على التعليق يا حازم

والله لو ده بجد يا عمده يبقى انا اديت رسالتى ومش عايز حاجه من الدنيا

ربنا يكرمك يا بوكسر يا رب
بس نزار سبقنى وعمل الشعر خبزا ساخنا ... ايه رئيك اعمله انا .. فولا مدمسا..... بس تجيب انت المخلل هههههههه
______________
وبالنسبه لموضوع التلفزيون ده فبأذن الله نكون مع بعض فى نفس البرنامج وهما اللى يقوله دول كانو صحابنا هههههههههههه