_تصدقوا وتؤمنوا با لله انتوا وحشتونى اوى..والله ياخوانا
انا طيب وجدع ..وابن جيهة كمان..بس بجد والله ..اناخدت
عليكم اوى زمقدرش اعيش من غيركم... نهايته..خلينا فى اليومية..القطران اللى كل مابفتكرها بتعقد..لان النجاح او الرسوب مش بالمذاكرة انما ..انت ورزقك ..
_____________________________________________
_خخخخخخخخخخخخخخخخخ..اه يانا..ياما ..خخخخخخخخخ
واد يااسلام..اسلام..انت ياولا..قوم بقى نايم بقالك سنة
الله يوكسك..
عايزة ايه ياستى ع الصبح ماتسيبينى نايم..هوالنوم عليه جمرك..
لا ..ياخويا لاعليه جمرك ولانزل لايحة ضرايب..عليه وكسه ..قوم عشان تذاكر يابوملحق ..يامعفن..
تصدقى بقى ..انك ست لبط..وشكلى كدة هسحب عليكى سكينة..
طب هوريك تسحب على مين سكينة..ياواطى ...
فجاة..لاقيت ستى فركت المطواة..وراحت غزانى
فى فى صبعى ..وفجاة لاقيت صبعى بيخر منجة.. والمنجة مغرقة الدنيا..روحت صارخ ..الحقووووووونى..وقومت ع الصرخة دى من النوم..ومن هذا الحلم الفظيع..
المهم ..لاقيت المية قاطعة وبيلزقوها..والصابونة ازحلقت على ضهرها وماتت.. روحت غاسل وشى..ومالاقيتش اكل ..فقعدت كلت..وقولت ابتدى اذاكر عشان عندى امتحان الملحق بكرة..
وروحت قافل على نفسى وعملت معسكر ولا اللورد باضن باول..الله يحرقه.
المهم ..كانت الساعة 5قولت كويس يادوب ..ع الساعة10اكون لميت المنهج..عالساعة 12اعمل ملخصات ع الساعة14احل امتحانات والساعة 15لحدالساعة8انام..وحددت البرنامج..اللى همشى عليه فى ليلة الملحق وابتديت..من اول المنهج..
......................................
يارب ياهادى ..اعدى فلة السنة دى
بسم الله..تعريف الضغط=هو القوة العمودية المؤثرة على وحدة
المساحا.......طك ..طك..طك...ياساتر مين بيخبط..دا انا لسه هذاكر..وقومت فتحت الباب..
_مين حودة ميدالية..اهلا ياحودة ازيك اتفضل.. ومين ده كمان ..فرد حودة دا ابن خالتى من الصعيد..
_وبعد احضان وبوس..نفاقا منى!!حودة قاللى...
_انت يعنى لازم نجيللك عشان نشوفك؟!!
_وانت يعنى لازم تيجى دلوقتى..؟!
_فرد حودة بكل قرف ..الله يقرفه..ياعم نمشى لوجينافى وقت مش مناسب..
_ياعم حودة مقصدش..اقصد يعنى..ان انت جاى باليل والشمس غابت ..والدنيا برد..وانت بارد خلقة..فتتعب .كدة يعنى ..
_فى ايه ياعم اسلام مالك النهاردة..نمشى؟!!
_ياريت....!قصدى ياريت تقعد شوية..
_اتفضل شاى ياحودة ولا مش عايز؟!!
_لا عايز دا نا خرمان..
_اناف سرى(اطفح انت والجلنف اللى معاك..بالسم الهارى)
_المهم الساعةبقيت 7ومذاكرتش وحودة لزق فى الكنبة مش عايز يطلع..وفجاة ..
_التليفون رن.. وربنا الهمنى فكرة ..روحت مكنسل وعملت نفسى فتحت..وقولت ايه يابو دراع لامتجييش النهاردة اصل عندى امتحان بكره.. هه..بكرة يابارد..اخلع بقى ..اخلع..
_سلاااااااااااااام..ادعيللى ف ام السنة السودة دى..بااااااااى.
_قال حودة..(ايه انت شايط ف الجدع ده ليه كدة؟!!)
_لا ..مفيش اصله بارد ..جلخ..بعيد عنك..عمال اقول..عندى امتحان بكرة وعايزاذاكر وهو مفيش فايدة..جلنف ياحودة ..جلنف.
_لا طالما..كدة انا فهمت..اشتمه براحتك..ولو جيه يتكلم ..ادينا مصبحيين معاك..احنا فاضييين!!!
_وبينى وبينكم الكلمة دى ..غاظتنى فقولتله بكل هدوء
_ممكن يابارد..يابن البارد ..تخلع ..اطلع بررررررررررة
(وكانت الساعة وقتها8 يعنى ضاع ساعتين يارب الحق اذاكر)
......................................
وابتديت..يارب معيدش السنة ..انا زهقت.. بسم الله
_تعريف الضغط=هو القوة المؤثرة عمودياعلى وحدة المساحا.......؟!!طك..طك..طك
_يوووووووووووه..مين تانى ..والله اقطع ام الكتاب..هقطعه ..والمصحف!!طك..طك..حاضر..حاضر
_وفتحت الباب(سلامووووووعليكم..هييه هييييه)
_مين عمتى وعيالها الستة يبقى هعيد..اكيد..هعيد
_عمتى قالت(هتعيد ايه)فرديت هعيد اللى قولته
_حسبى الله ونعم الوكيل..
_وقعدت اعيط..واقول والنبى يارب عايز انجح..هاها..اه
_فالاقيت البت زئردة راحت لاسعانى ..افاعباسى..وقالتلى ماللك..دا احنا هنسهر معاكواالنهاردة متزعلش..
_هتسهروا.. كملت..وحاولت اذاكر ..مفيش فايدة..
_اخر مازهقت..برررة ياكلاب ..(صراخ هيستيرى)هنجح يعنى هنجح..خلاص مش هعيد السنة ..هنجح..يعنى هنجح.
___________________________________________
وكانت الساعة1باليلوالوقت بيجرى وعايز انام عشان اروح الملحق فايق..ولسه بقول تعريف الضغط..راح الكتاب نط من ايدى وقال..لااااااااااااااااااا بلاش ام الضغط ده..شوف حاجة تانية..دا نت فقر..
_لقيت ان الكتاب كلامه صح ..روحت مغير..وابتديت بالحرارة
بسم الله..يارب انجح واروح الكلية بقى..
تعريف الحرارة..ايييه اهه ييييييي اوووووو
وشتايم وناس بتنده ياعوض الله ..ياعوض الله
_فقلت خير وطلعت بصيت من الشباك لقيت..سكاكين وسيوف ومية ناررر..ايه ده؟!!
_انزل الواد..حنوشة عوروه العيال بتوع مساكن السجن..
فنزلت ..فين الواد متعور وواخد 90غرزة فى ودنه..
_طب ياخوانا بسيطة,جرح سطحى يعنى؟!
_فردوا زى المظاهرة..اييه سطحى؟!!..وقالوا كلمة عيب مينفعش اقولها....
_يللا هات سلاح وتعالى معانا ..جاتللك الفرصة لحد عندك..ياخوانا انا عايز اذاكر عندى امتحان بكرة.. ولو منجحتش هعيد السنة..
_ياعم وماله..عيدها..وان مشلتيكش المدرسة ..نشيللك فى عيونا..وان مشلتكش ..تشيللك السجووون..المهم
_جبت سكينة وجريت فى العركة..وعمال اقول عايز اذاكر...
عايز اذاكر..يابتوع المساكن..عايز اذاكر..
_المهم ظاطت والظابط جيه فكله خلع وانا واقف على اول المساكن..ولا بيرم التونسى بهتف بالسكينة عايز اذاكر..
زى الاهبل.. ولاقيت نفسى بتشقلط..فى البوكس..ووصلت الحجز لاقيت ناس بتزغزغنى فى الضلمة..واللى بيقلعنى هدومى عشان تتغسل ..اه متفهموش غلط.. احنا فى بلد ديقراطى اشمقلاطى
_وعرضونى ع النيابة المسائية=
_ايه حكايتك يااااض؟!!طخ(دا صوت الافا)
_الملحق يابيه..نعم ياروح.......؟!!
_كنت ماسك سكينة ليه ف العركة؟؟!!!
_ابويا كان جايب ربع كبدة وعايز يقطعه ف السكينة مش حامية لاقيت ناس يامة رافعين وسكاكين وسيوف ومدافع وطيارات
افتكرته سوق السلاح ودى ناس بتبيع..روحت رافع سكينتى وقعدت انادى وقولت ابيعهاواشترى واحدة حامية بس يابيه.
_طخ ..طخ..طخ.طخ...طخخخخخخخخخخخخخخخخخخخخ
_طيب غرامة 1000جنيه عشان واقف فى سوق السلاح بدون ترخيص
_حررررام ..حررررررررررررررام
_بس ياااض دول 1000جنيه احسن ماحبسك
_يابيه ان مش ع الالف انا عاى الملحق اللى هيضيع منى ؟!
د _تانى الملحق طخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ.
_هههههههههه..بسم الله ..ايه الحلم الفظيع الطويل ده..
______________________________________________
اصلى نسيت اقولكم انى بعد ماقومت وغسلت وشى وكلت نمت تانى..ومقومتش الا تانى يوم كان الملحق عدى وعيدت السنة_______________________________________
ودى كانت اخر يومية وهنترك الحقل لاخوكم رضوان واول يومية
رضوان والسنة المكسورة
موضوع: يوميات بوكسر الشتوية4 
الأربعاء 19 نوفمبر 2008, 5:58 pm