بسم الله الرحمن الرحيم
طبعا انا اولا بشكر الاخت طير الغرام علي موضوع اضرار الخمر بس انا بقي النهارده جاي و بقولها لا دا الخمرا برضو ليها فوائد
و نشوف مين فينا الي يقنع التاني اذا كانت الفوائد احسن ولا الاضرار
تحس انك رايق و استكنوس (في حين انك بتمشي بتتمطوح في الشارع و تبقى مضحكة الرايح و الجاي)
٢ تحس بانك مسترجل (ماهوا انت ماشيلي ورا اعلان بريل بتاع استرجل و اشرب بريل )
٣ لو انت سايق عربية و شارب ازازة شمبانيا محترمة تحس انك في سباق need for speed undercover (بس فيه حاجة هتنطلق اه و كل حاجة بس لو خبطت عربية يا حلو الصدمة مش هتبقى نفس الصدمة في الكمبيوتر ،و ربنا يستر عالخساير )
٤ أشرب خمرة و انسى همومك (و لما تفوق هترجعلك تاني فمالوش لزمة)
٥ نصيحة حلوة بدل البيبسي اللي مع الاكل اشرب ٤٠٠ مللي خمرة (و صدقني لو عندك عسر هضم بعد الاكل اشرب خمرة كتير و هترجع كل الاكل بس لو جالك قرحة انا مش مسئول)
٦ لو مراتك نكدية و مخلية عيشتك قرف اشرب ازازة خمرة تنساها على طول ^^(بس يا ريت تراعي شعور مراتك لما تشوفك سكران لانها هتزعل جدا)