موقع جواله كليه الزراعه موقع يهم كل جوال فى الجامعه وكل طالب فى الكليه
 
مكتبة الصورالرئيسيةالتسجيلدخول

شاطر | 
 

 الجواز فى مصر ههههههههههههههههههههههه

اذهب الى الأسفل 
كاتب الموضوعرسالة
hooudaa2010
جوال
avatar

عدد الرسائل : 190
العمر : 26
تاريخ التسجيل : 22/09/2008

مُساهمةموضوع: الجواز فى مصر ههههههههههههههههههههههه   الأربعاء 23 سبتمبر 2009, 7:39 pm

كل سنة وانتوا طيبين

السلام عليكم و رحمة الله و بركاته

ازيكوا يا مصريييين يارب تكونوا بخير و سعادة
اية رايكم نتفرج سوا ازاي كانوا بيتم الجواز عندنا في مصر ,,:
من اياااااااااااااااام الفراعنة لحد عصرنا الحالي :
يلا بينا نشوف اية اللي كان بيحصل !!!!!
علي بركة الله نبتدي

مصر الفرعونيه
- بابا انا عايز اتجوز اختى حت حور
- خلاص يا ابنى خليها تنقل حاجتها فى قوضتك .. وابقى هاتلها حجرين صوان هدية .. مبروك يا تاح............ ......... .....

مصر فى عصر الرومان
- تتجوزينى يا افروديت
- اتجوزك يا بانسيلوس
- يللا بينا نبنى كوخ ع البحر ونعيش هناك
- يللا
............ ......... .......

مصر بعد الفتح الاسلامى
- ولدى خالد يا شيخ احمد بيريد يتجوز ابنتك البكر الكريمة .. وبيبنى خيمة .. ويقدم مهر بعير
- والله خالد ولدك زين الرجال .. وايش اتمنى غير رجل صالح يكون زوج لبنتى
.. وكما قال رسول الله صلى الله عليه وسلم " ان جاءكم من ترضون دينه وخلقه
فزوجوه " .... قيموا الافراح
............ ......... ......
مصر 1919
- انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
- طب مش اشوفها الاول يا با
- انت اتجننت يا ولد تشوفها ده ايه .. انت ح تتجوز والا تخبص
- حاضر يا با
............ ......... ........
مصر 1960
- بقى يا ستى بنتك آمال جالها عريس
- ياألف نهار ابيض يا ألف نهار مبروك
- جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
- الرأى رأيك يا أبو العروسة .. والله العيال ح يعجزونا يا ابو محمد
- فشر .. تدبل الوردة وريحتها فيها يا نرجوستى
............ ......... .........

مصر فى عصر الانفتاح
- اخرسى يا بنت ... انا اللى يتجوز بنتى لازم يكون عنده شقة تمليك وعربية وسوبر ماركو
- بس يا ماما
- ما فيش بس .. انا وابوكى قبل ما يموت فى الحرب كانت بتعدى علينا ايام ما
بنلاقيش ناكل .. انا يا بنتى مش عايزاكى تتعذبى زى ما احنا اتعذبنا ..
انتى ح تتجوزى فتحى ابن خالتك
- بس انا مش بحبه يا ماما
- الحب ما بيأكلش تونة فى الزمن ده يا فالحة
- امرك يا ماما
............ ......... ...

مصر 2008

المشهد الاول

نهار خارجى ... احد الكافيتريات المغلقة ... موسيقى هادئة تملا المكان

محمود: يا حبيبتى انا مرتبى 250 جنية بعد الضرايب والمستنقعات .. وبعد
الشغل بحاول اعمل اى مصلحة يعنى باصفى فى الشهر حوالى 400 450 ... وما
عنديش شقة ومش محوش ولا مليم .... اهلك عمرهم ما ح يوافقوا بيه

احلام : يامحمود يا حبيبى بابا وماما متفاهمين جدا ... وما يهمهمش غير سعادتى ... الفلوس دى آخر حاجة ممكن يتكلموا فيها

محمود : انتى شايفة كده ... ماشى .... حددى لى ميعاد مع باباكى الجمعة الجاية الساعة 6
............ ......... ......... ......... ..

المشهد الثانى

فى منزل احلام ... منزل قديم .... فرش متواضع جدا .. يجلس الاب الذى يبلغ
من العمر الثالثة والستين .... وبجواره العم 55 عاما ... والخال 56

الخال : منورنا والله يا استاذ محمود
محمود : ده نورك يا عمى
الاب : فين الشاى يا ام احلام
ام احلام من بعيد : جاية اهه يا ابو احلام

الاب : ها يا ابنى .. ح تدفع كام وتشيل
محمود : اللى تأمر بيه يا عمى
الاب : الامر لله يا ابنى .. احنا مش طالبين كتير .. شقة تمليك فى اى حتة
تكون نضيفة .. ومهر 25 الف جنية يا دوب ده احنا ح نحط ادهم مرتين علشان
نجيب العفش وانت ح تجيب الاجهزة والسجاد وحاجة المطبخ والستاير والذى منه
.. وح تجيب شبكة بزيهم .. طبعا انت عارف ان الدهب غلى يعنى مش ح يجيبوا
حاجة بس انت وذوقك بقى .. مش كده والا ايه يا ام احلام
ام احلام : آه يا أخويا دى عفاف بنت خالتها خطيبها جايبلها شبكة بخمسين
الف جنية .. ده غير الاجهزة الحديثة اللى جايبهالها معاه وهو جاى من السفر
الاب : اما الفرح فى قاعة صغيرة بس طبعا لازم تساع الحبايب واحنا حبايبنا
كتير .. والقايمة والمؤخر طبعا انت سيد العارفين .. وفى الاول والآخريا
ابنى .. احنا بنشترى رجالة
محمود : بس يا عمى انا ممعاييش المبالغ اللى حضرتك بتتكلم فيها دى
الاب : اللى ممعهوش مايلزموش يا ابنى .. واحنا فى الاول والآخر بنأمن لبنتنا حياة سعيدة .. امال عايز تاخدها رخيصة والا ايه؟
محمود : يا عمى لو بنتك رخيصة ما كنتش خبطت على بابكم .. وسكك الغلط فى
الزمن ده سهلة .. واكتر م الهم ع القلب .. وبعدين احنا ممكن نلم الدور ..
وحضرتك عارف ظروف الحياة اللى بنعيشها .. وانت لسه قايل بعضمة لسانك ان كل
حاجة غليت .. والظاهر ان الانسان بس هو اللى عمال بيرخص
الاب : قصدك ايه؟
محمود : قصدى يعنى دبلتين .. وشقة قانون جديد على قد الحال .. ومهر ربع
جنية .. واجيب انا عفش بيتى على قد فلوسى .. وفرح بسيط مش بهرجة ورقص
ومسخرة .. ده احنا بنبتدى مع بعض علاقة نضيفة .. اجيب كمبيوتر اجيب
تليفزيون .. اجيب تلاجة صغيرة والا كبيرة .. فى الاول والآخر احنا اللى ح
نستعملها .. ولو باظت اكيد انا برضه اللى ح اجيب غيرها مش ح آجى واقولك
هاتلى .. وحضرتك ممكن تاخد رايها على الكلام ده
الاب : انت جاى تشتمنى والا ايه ؟ .. احنا ما عندناش بنات تمشى كلامها على ابوها .. الظاهر انك جيت البيت ده غلط

محمود : لا ياحج انا طبعا ما جتش غلط .. بس ممكن اكون عايش فى زمن غلط ..
مع ناس مش عايشة فيه .. وبعدين هو مش حضرتك مصرى برضه .. ومسلم طبعا ؟ ..
يبقى انا ما جتش غلط .. انت اللى قاعد غلط وبتتكلم غلط فى غلط
الاب : احترم نفسك يا ولد
محمود : بلا احترم نفسى بلا نيلة بقى .. احترموا انتوا ظروفنا اللى انتوا
حطتونا فيها .. احترموا انتوا دينكم اللى بتعتقدوه وبتعلموهولنا ..
احترموا انتوا عقولنا بكلامكم اللى مالوش اى علاقة لا بالعقل ولا بالواقع
الاب : اطلع برة .. ده انا عمرى ما ح اجوزهالك حتى ولو على جثتى
محمود : حتى دى كمان غلط .. ولا تمت للحقيقة بصله .. والحدق يفهم .. سلامو عليكو
............ ......... ..

يخرج محمود من منزل احلام .. يسب ويلعن ويضرب الارض بقدميه .. بعد قليل يدق جرس هاتفه المحمول
محمود : ايوة
احلام : ايه يا محمود اللى انت هببته مع بابا ده
محمود : باباااااااااااا .. انا ماشفتش بابا يا طنط .. انا شفت نخاس بيبيع جارية فى سوق العبيد .. شفت جزار بيبيع معزة للى يدفع اكتر
احلام : ايه يا محمود الكلام ده انت بتغلط فيه .. طب وانا ذنبى ايه .. انا
مش عايزة فلوس ولا دهب ولا حتى غسالة عادية .. هاتلى طشت يامحمود .. هاتلى
قلة .. مش عايزة غير عشة وانسان احبه ويخاف علية واخاف عليه .. واظن ده من
حقى انا مش مراهقة ولا طفلة .. انا عندى اربعة وعشرين سنة ...يعنى اقدر
اتحمل مسؤلية قرارى .. واختار الانسان اللى ح يعيش معايا حياتى كلها تحت
سقف واحد ... اهىء اهىء اهىء
محمود : خلاص بقى بطلى عياط حقك علية .. معلش انا كمان زعلان من اللى حصل واعصابى مشدودة
احلام : طب وح نعمل ايه دلوقت
محمود : العمل عمل ربنا اللى مايرضيهوش اللى بيحصل ده .. ده حتى حرام وظلم وافترا
احلام : طب ايه رايك يا محمود .. لو اسم نفسى كده وكده .. وتيجى تنقذنى ونتجوز
محمود : لا اااااااا .. انا فى عرضك .. الا ما الحقش انقذك وتروحى فيها ..
وبعدين كده تبقى روميو وجولييت .. وانا ما ينفعش انهى القصة عليها .. ستين
واحد ح يخش يقولى يا حرامى .. دى نهاية مفقوسة وقديمة حتى اسأل جدو شكسبير

احلام : طب ح نعمل ايه يا محمود؟
محمود : اهو كل واحد يقفلها براحته .. انا قلت اللى عندى خلاص
و ادي حال الجواز من ايام اجدادنا لحد ايامنا الجميل دي
ياعيني عليك يا محمود احلامك ضاعت في دوامة البلد
يارب تكون عجبتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hooudaa2010
جوال
avatar

عدد الرسائل : 190
العمر : 26
تاريخ التسجيل : 22/09/2008

مُساهمةموضوع: رد: الجواز فى مصر ههههههههههههههههههههههه   الأربعاء 23 سبتمبر 2009, 7:41 pm

برضو مش عايز حد يزعل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طيرالغرام
جوال
avatar

عدد الرسائل : 324
العمر : 28
الموقع : youtub & gawallaz
تاريخ التسجيل : 22/09/2008

مُساهمةموضوع: رد: الجواز فى مصر ههههههههههههههههههههههه   الخميس 24 سبتمبر 2009, 2:32 am

ههههههههههههههههههههههههههههههههههههههههه
لا بجد موضوع جامد جدا جدا بس لسه مصر 2010
الحوادث هتتعرف على شخصين جداد هما محمود ونور بدايه من الشبكه اللي من داماس نهايه بالاطفال واقرا الحادثه
ههههههههههههاي
بجد الله ينور عليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hooudaa2010
جوال
avatar

عدد الرسائل : 190
العمر : 26
تاريخ التسجيل : 22/09/2008

مُساهمةموضوع: رد: الجواز فى مصر ههههههههههههههههههههههه   الأحد 27 سبتمبر 2009, 12:44 am

مين محمود و نور دول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طيرالغرام
جوال
avatar

عدد الرسائل : 324
العمر : 28
الموقع : youtub & gawallaz
تاريخ التسجيل : 22/09/2008

مُساهمةموضوع: رد: الجواز فى مصر ههههههههههههههههههههههه   الأحد 27 سبتمبر 2009, 2:23 am

ههههههههههههههههههههه
اسال وانت تعرف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hooudaa2010
جوال
avatar

عدد الرسائل : 190
العمر : 26
تاريخ التسجيل : 22/09/2008

مُساهمةموضوع: رد: الجواز فى مصر ههههههههههههههههههههههه   الأحد 27 سبتمبر 2009, 12:24 pm

اسال استشير
لا بجد مين محمود و نور
و بعدين انا في سؤال محيرني انتي اسمك ايه الحقيقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طيرالغرام
جوال
avatar

عدد الرسائل : 324
العمر : 28
الموقع : youtub & gawallaz
تاريخ التسجيل : 22/09/2008

مُساهمةموضوع: رد: الجواز فى مصر ههههههههههههههههههههههه   الأحد 04 أكتوبر 2009, 7:05 pm

اسال استشير ايه بس هو احنا في تنظيم الاسره هههههههههههههههههههه
المهم
انا نور ومحمود يبقى اكيد محمود هههههههههه اقصد علاف
واسمي الحقيقي نور الهدى
اي خدمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hooudaa2010
جوال
avatar

عدد الرسائل : 190
العمر : 26
تاريخ التسجيل : 22/09/2008

مُساهمةموضوع: رد: الجواز فى مصر ههههههههههههههههههههههه   الأربعاء 07 أكتوبر 2009, 8:56 pm

ااااااااااااااااااااه هوه انتي خطيبه علاف (رائدي الاكبر)
طب و ليه بس بتقولي 2010
ان شاء الله مش هايحصل زي الي انا كاتبه دا مجرد هزار مش اكتر كلام منتديات يعني الحقيقه افظع بكتير
امال انا اعمل ايه دا انا لسه حتي ماعرفش هاتجوز مين و لا حتي بحب ربنا يستر عليا اصل الواحد خلاص بيودع
ربنا يخليكو لبعض و يهنيكو ببعض و ان شاء الله هازفكو قريب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طيرالغرام
جوال
avatar

عدد الرسائل : 324
العمر : 28
الموقع : youtub & gawallaz
تاريخ التسجيل : 22/09/2008

مُساهمةموضوع: رد: الجواز فى مصر ههههههههههههههههههههههه   الخميس 08 أكتوبر 2009, 8:31 pm

ايوااان بالظبط كده رائدك الاقصر هههههههههههههههه
وكمان اوضحلك الصوره احنا مقري فتحتنا وانشاء الله الفرح وكده في شهر 2 او شهر 8 على حسب الظروف وطبعا شئ اساسي ان الجواله كلها بلا استثناء هتزفنا بس طبعا بدايه من البيت عندي علشان كده ايه منزعلش من بعض

وانت بقى والله انت كده ملك زمانك بلا حب بلا وجع دماغ والله بجد انت كده عايش بس بلا هدف والله انا بقلك كده مش بخوفك ولا حاجه بس فعلا الحب بهدله جدا وخراب بيوت وافلاس مستعجل ودقات قلب زياده وعين ترف وبلاوي والله انا السنه الللي فاتت كنت عامله اشتراك في عياده الكليه كان كل يومين حاله اغماء ده غير بقى الغيره والخوف
يعني من الاخر تعب اكتر من الراحه
بس ما اضحكش عليك تعب حلو جدا جدا جدا
وبجد ربنا يرزقك ببنت الحلال اللي تحبها بس لازم تكون بتهزر وبتضحك يعني مش نكديه ومش لكاكه او رغايه وعقلها كبير لانك طبعا محتاج لحريه شويه من الاخر كده كووووووووووول ع طوووووول
وبتعرف ترقص دبكه بجد لاني بعز قوي البنات اللي بتعرف دبكه
بس كده كفايه لاني تعبت من الكتابه وابقى اسال استشير هههههههههههه وانا في الخدمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
boxer
جوال
avatar

عدد الرسائل : 152
العمر : 29
الموقع : الجبلاية_محافظة الورديان_قارة مينا البصل
تاريخ التسجيل : 24/05/2008

مُساهمةموضوع: رد: الجواز فى مصر ههههههههههههههههههههههه   الجمعة 09 أكتوبر 2009, 9:47 pm

ياااااااااض يامصرى ..اسمع كلام عمك بوكسر....
قضيها جوااالة ودرااااسة واوعى تحب حد ومتفكرش فى الكلام ده.
اهم حاجة مصلحتك... بكرة لما تتخرج ويبقى معاك فلوس
هتحب براحتك.. اصل يابنى البنات دى عاملة زى الخضار .

هتنزل السوق..معاك فلوس كتير هتشترى مانجا....
هتنزل السوق..معاك حب هتشترى خيار كوسة...

هيا دى الحياة يابنى..كن قاسيا تنحنى لك الحياة.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hooudaa2010
جوال
avatar

عدد الرسائل : 190
العمر : 26
تاريخ التسجيل : 22/09/2008

مُساهمةموضوع: رد: الجواز فى مصر ههههههههههههههههههههههه   الإثنين 19 أكتوبر 2009, 11:55 pm

خلاص يا سيدي انا وقعت و الي كان كان ربنا يستر بقي بس مش عارف اذا كانت بتعرف ترقص الدبكه و لا لا هابقي اسألهالك

و علي فكره ياعوض الله انا بحب الخيار و بموت في الكوسه و مين عارف ما ممكن تنزل هيا تنقي معايا او تشجعني ان انا اجيب الفلوس مش صح برضو و لا ايه هما مش بيقولو وراء كل عظيم امرأه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kimya
جوال
avatar

عدد الرسائل : 114
العمر : 28
الموقع : كل النت بتاعي
تاريخ التسجيل : 09/06/2008

مُساهمةموضوع: رد: الجواز فى مصر ههههههههههههههههههههههه   الجمعة 26 أغسطس 2011, 11:08 am

وراء كل عظيم امراه اعظم منه وده مش موجود دلوقتي في الدنيا (طبعا الكلام ده مينطبقش عليا pale affraid pale )







الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الجواز فى مصر ههههههههههههههههههههههه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
gawallaz :: منتديات عامه :: فكاهات وغرائب-
انتقل الى: